مسابقة أفضل عرض
على بعد واحد وخمسين كيلو على تيزنيت اولا بين تيزنيت او تفراوت كاينة واحد القرية فيها تولد او تربىادم فصغرو كان ضحوكي و فنفس الوقت مكييتسوقش لناس اولا لتفكيرهم فهو من دوك الناس لي كيتبعو المقولة الشهيرة ديال الشافعي " خذ فائدتك من الثمرة و ارمي ما لا فائدة لك فيها " يعني ادم تفكير ديالو ماشي ايتعرف على ناس باش ايبان عليهم باش ايحس براسو اولا ايتسنى الناس ايعطيوه قيمة باش هو ايحس براسو اولا ايشجعوه .
ادم كيحس انه كامل ايقدر ايدير كل شيء لراسو ايفرح راسو اويخليه سعيد بما فيه الكفاية ويلا حس بنقص ايشجع راسو براسورغم أن الناس عزيز عليهم حيت ظريف او ماشي باسل كاينين صحابو لي ديما حاقدين عليه اوديما كيبغيو ايفشلوه . سعيد أبروش و حسن أبروش هوما جوج ولاد العمام في نفس العمر لي فيه ادم الاختلاف انهم ولاد الحاج ابراهيم متقاعد كان خدام فالخاريج او معروف بثراء او كان هو الشخص الي وقف قدام بناء المدرسة وسط الدواوير الثلاث او عطا الرشوة باش تبنا المدرسة فالدوار ديالو هو , باش ولادو ميضربوش ساعات ديال الطريق .أو ديما ولادو كيديرو ليفجهدهم باش ايتأمرو على ادم
في البادية هو ادم ساكن بعيد على المدرسة رغم البعد ماعمرو غيب ولكن ديما كيدير ليه سعيد و حسن لفخاخ مرة دارو ليه خشبة فيها المسامر او خسرو ليه بيكالا
او باش ايمشي لمدراسة خاصة ايدوز على ثلاث دواوير الدوار اللول بينو اوبين الثاني جبل كبير او بين الثاني اوالثالث وادي فوقو جدع شجرة ديال النخيل كيستعملوه فالبادية باش كقنطرة.
-واحد نهار من ايام الشتوية او للأسف يوم ادم عندو تقديم ديال العرض ( في مسابقة "افضل عارض" او كيكون عبارة عن مشاركين كيقدمو ملف فيه نص و صور و رسومات او كل مدرسة كيهزو فيها مجموعة واحدة لكل مدرسة ) اولي كان كينافسو فيها ( سعيد و حسن ) ( او هو مكيحملش ايكون معاه شي حد فالمجموعة كيبغي ايحس براسو هو لي دار ) او باش ايربحو المسابقة فكرو ايحيدو الجدع من على النهر باش ايحاول ايدوز اويطيح اوربما ايموت اوميبقاش ايزاحمهم داك نهار كانت الشتا مجهدة او ادم كان خايف من الرسومات ليكان صايب او الملف ديال العرض ليكان عامر بصور و ابحاث من كتب كان خلاهم ليه خوه الكبير بعد ما فكر ادم شك انه ضروري غيديرو ليه شيحاجة او ربما اهجمو عليه ويشفرو ليه البحث كيما هددوه ديما انه ماخصش ايشارك فشي حاجة هوما مشاركين فيها ملي فكر لقى راسو فجميع الحالات صعيب ايوصل الشتا مجهدة او الواد خايب ويقدر ايديرو ليه شي فخ خطير لكن قال مع راسو اشنو الهدف من وجودي ايلا كنت انا كندير قرار كيما بغا ايكون او فالخر نستسلم حيت خايف .
لاش انا اصلا كاين ايلا كنت غنخاف من تنفيذ قراراتي لهذا قال لماماه ميمكنش نجلس و منكملش على قرار درتو خاصني نمشي قالت ليه اوا لبس مزيان راه بارد الحال لبساتو على داكشي ليكان لابس جلابة ديال الصوف و جمع شكارتو دار فيها الملف ديال العرض فالخر دار شكارتو فميكة او ضوبل ليها الميكة مخافة الماء تبلل ليه الوراق ديال الملف .
مشا كيجري واخا المسافة طويلة ساعة ديال المشي الوقت مبقاش حيت 7 وربع داابا تأخر ملي كان قرر ميمشيش خاصو ايدوز ثلاثة ديال الدواوير دابا بحرا داز الدوار ديالهم شوية الشتا جات مجهدة ميقدرش ايمشي فيها دق على الدار ديال الحاج احمد ( تاجر الكبير كيقولو ليه غير الحاج مول 190 ( حيت كيملك سيارة مرسيدس من نوع 109 ) ) دخلو باش ايبقا ريثما توقف الشتا ويولي الجو ملائم بقا كيتسالم مع الحاج على الحال والاحوال من كثرة الشتا بان ليه البلان ممخرجش او الوقت مبقاش حيت الوقت فاش غيكونو الحكام ديال العرض لي غادي ايجيو من تيزنيت باش ايختارو شكون غيمشي ايشارك هو 8:00 ايلا ماوصلش فالوقت ميمكنش ايتسناو غادي ايختارو (سعيد او حسن) الوقت كيدوز او شتا كتصب ادم من الاحلام ديالو ايمشي لشي مدينة اخرى ويشوف ناس اخرين ويتعرف على اشخاص مهمين هاذ المسابقة كانت مهمة ليه او مكانش ساهل عليه ايستسلم امام هاذ القرار لي كان المشكل عند ادم هو انه ميشوفش راسو ضعيف او الضعف كل واحد كيفاش كايشوفو ادم كيشوفو ملي كيقرر خاص ايدار داك القرار حيت ايلا مدروش ثم فين كاين ضعف ادم بقا كيمشي وكيجي فبيت الضياف ديال سي الحاج احمد حيت خلاه بوحدو مشا الحاج ايضرب طليلة على البقر ديالو ياكما دخل عليهم الما شوية الحاج كيغوت مشا عندو ادم بجرى ايشوف اشواقع لقا الحاج سخف حيت عندو سكار ملي شاف حنش ناض ادم بان ليه الحنش او هز البالا او فكر قبل ليتاخذ القرار لقا انه لابس صباط غليض حتى ايلا عضاتو اللفعة مغديش توصل الرجل و لابس جلابة ديال الصوف .
زعم اوضربها بالبالة او جابها كاو تفكر نهار سخفات ماماه ملي كانت مريضة رشو عليها الما جاب الما اورشو على سي الحاج اونسا انه كان غادي المدرسة اولحاج فاق او فرح اوباس ادم حيت كون ما هو كون راه مات حيت الحاجة لي ديما كتكون معاه داك النهار داها لعند بنتو فالدوار الثالث داك دوار نيت فين كاينة المدراسة قالو لحاج واقيلة الله سبحانه لي سيفطك ليا باش تنقدني الحمد لله .
الجو تحسن واخا الوقت مبقاش ادم مشا كيجري ربما ايتلاقا الحكام كيتسناو فكر فجميع الاحتمالات زعما ايكونو سبقو سعيد و حسن ايلا سبقوهم في أداء العرض غيكون عندي الوقت فاش نوصل ولكن المسابقات كاملين خاص المنافسين ايكونو بجوج ايلا مجاش شي واحد كيتحسم لصالح المنافس المهم ادم كيجري ويفكر شوية كيوصل النهر اولقا الجدع مكينش صافي تحطم او جلس لارض بدا كيبكي او قال فراسو انا معنديش الزهر ممكتابش ليا نمشي لرباط فهاد المسابقة شوية جاتو فكرة فراسو او فرح اوناض كيجري.
و الاستاذ تقلق حيت كان باغي ادم هو لي يمشي واخا كان كينافق الحاج ابراهيم او كيقوليه ولادك اذكياء او هوما ليكيستاحقو ايمشيو لرباط هادشي غير حيت كيجيب ليه الحاج ابراهيم الهدايا او كيطهالا فيه اما فالاصل كل المعلمين كيبغيو ادم او هو لي باغين ايدي المسابقة بعد ما جاو الحكام كانو ثلاثة لابسين لي كوستيم او الكلاص فالاساس الثلاميذ كيشوفو داك اللباس كيتفكر المدير فقط هو ليكان كيلبس هاكاك اولا المفتش المدير كيشوفوه مرة في 6 اشهر حيت المدرسة فين كيقراو غير فالفرعية لمجموعة من المدارس لي الادارة ديالهم كاينة فالسوق الاسبوعي بعد ما جاو الحكام او دارو النشيد الوطني او شوية ديال الحتفال قبل بدأ العروض من قبل المشاركين او هاد الوقت ليكان كيتمنى فيه الاستاذ ايكون اطول مايمكن حيت عارف بلي ادم خاصو غير الوقت اما مستحيل ايستسلم ولكن هو مفرسوش بلي طريق اصلا مكيناش او جوج ليدايرين الفعلة فرحانين بلي هوما ليغيديو المسابقة اوهوما الوحيدين لي عارفين ان ادم مستحيل ايجي الثلاميذ كاملين كيغنيو اغنية ترحيب بالحكام او سعيد و حسن فرحانين .
حيت الخطة ديالهم نجحات كيشوف فيهم الاستاذ او كيراودوه افكار ياكما هوما ليدارو ليه شيحاجة من كثرة القلق والشك واش غيجي مشا يطل على الثل فين غيبان ليه الطريق ديال القرية باش ايعرف واش ادم جاي ولا لا من الحسن الحظ الاستاذ ان الشتا نقصات اوغايبان ليه الطريق مشا كيشوف كيشوف شوية كيبان ليه شي حاجة كتحرك فرح قال صافي هو نمشي نقوليهم غي تسناو ولكن كيبان ليه ماشي واحد بحال الى مجموعة من الاشخاص ملي دقق الامر بان ليه غير مجموعة من الخنازير البرية غتمشي تبدل الجبل او غادية جيهة الغابة هنا تصدم الاستاذ اورجع لقسم قالو الحكام اوا تفضلو فيناهوما المشاركين الاستاذ ماعرف اشنو ايقول بقا ساكت اوعاود قال واحد من الحكام اسي راه ماشي غير هاد الفرع ديال مدرستكم لي كاين عندنا راه مزال عندنا الطريق عندك 10 دقايق مجاش المنافس الاخر غادي نحسبوه انسحاب اونختارو المنافس لي كاين
قالو الاستاذ شوف سعادة الحكم راه الولد عايش فالقبيلة لي حدا الغابة ملي كنتو دايزين ملي جيتو من تيزنيت غتعرفو انها بعيدا او على الاقل خاصها ساعة ديال الرجل اوكيما شفتي الصباح شتا كانت مجهدا غيكون استارح فشي دوار من الدواوير دابا الشتا وقفات غيكون دابا فالطريق ولكن الحكام مقتنعوش بداكشي حيث عندهم عمل اكثر او خاصهم ايكملو المسيرة لثلاثة مدارس اخرى عيا الاستاذ ميرغب فيهم ولكن مقنعهمش باش ايتسناو جمعو شكارا بغاو ايمشيو اوهوما ايسمعو طوموبيل وقفات حدا المدرسة ماشي بالمألوف باش تسمع صوت سيارة وقفات حدى المراسة فالبادية الاستاذ خرج ايشوف اوهو ايلقا ادم خارج من طوموبيل ديال الحاج احمد قالو الاستاذ فين تعطلتي قاليه او هو مقدرش استجمع النفس استاذ واش مشاو واش جاو واش غنمشي قالو الاستاذ تنفس بعدا اشنو كتقول قاليه سمح ليا راه لقيت الوادي مفيهش الجدع اورجعت لعند لحاج اوطلبت منو ايوصلني او جيت .
هنا تفكر المعلم سعيد و حسن او عرف القصة شكون من وراها
صحابو فرحو ليه حيت وصل كل شي فرحان من غير سعيد او حسن او الحكام رجعو حاطو اوراقهم او تلقو المبارات باش ايبداو
او كان سعيد او حسن كيقدمو المسابقة جد متوثرين و خائفين من الخسارة لدرجو ان سعيد واحد الوقت بكى حيت كان كيحقد عليه اكثر من حسن او مبغاهش ايربح اوكان معول ميجيش اوربح ادم بجدارة واستحقاق من كثرة المعلومات ليجابهم او رسومات ديالو الجد رائعة و ايضا طريقته في العرض كانت مميزة حيث كان جد مبتسم و يعطي المعلومة البسيطو ثم الابسط و الكل كان يصفق لدرجة ان الحكام عطاو اكبر ميزة ثم اعطائها من قبل او هي ميزة الشرف لي من خلالها غادي ايشارك في النهائيات او غتمكنو ايشارك فمسابقة اخرى فمدينت مراكش وهي المابقة الثقافة فرح ادم و الاستاذ او الحاج احمد مشا ايشوف مراتو ههههههه
-المدرسة تكلفات بجميع مصاريف الرحلة لرباط او وصل انهائيات ديال الرباط اوعجب الحكام او تختار كأفضل عارض للعروض المدرسية لسنة او من خلالها اربح الجائزة او أيضا عطاوه وسام الشرف لي مكنو من المشاركة في المسابقة الثقافية في مراكش قيل ماشيمشي ليه اطلب من المدرسة ديالو ايدير تغير في المجموعة ديالو ويزيد اشخاص اخرين او زاد معاه سعيد او حسن اومشاو معاه لمراكش اوفرحو بززاو او ولا اعز صديق ليهم او جابو جائزة المجموعة الاكثر ثقافة ضمن فئة السن 12 سنة او دارو ليهم حفلة تكريم من طرف المدرسة حيت قموا بتمثيل المدرسة اكبر تمثيلانتهى.
cadeau lik awdi aba nizar aknni :) :p
هذا أحدث مقال
